2016-cı il mayın 11-i və 12-də iki universitet arasında əməkdaşlığı müzakirə etmək üçün dəvət olunmuş Səhənd Texnologiya Universitetinin nümayəndə heyəti Xəzər Universitetində oldu.

Səfər çərçivəsində həm Xəzər Universitetində, həm də “Dünya” məktəbində silsilə görüşlər keçirildi. Qonaqlar Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və universitetinin rektoru Dr. Hassan Niknafs ilə görüşdülər. Nümayəndə heyəti Xəzər Universitetində hazırda təhsil alan iranlı tələbələrlə də görüşdülər.

Universitetin rəhbərliyi, fakültə dekanları, akademik və administrativ şöbələrin rəhbərləri üçün Səhənd Texnologiya Universitetihaqqında təqdimat keçirildi.

Səhənd Texnologiya Universitetinin nümayəndə heyətinə rektor Dr. Rasoul Azari Khosroshahi, İctimai və beynəlxalq əlaqələr direktoru Dr. Kazem Ghanbari, Tədqiqat üzrə prorektor Dr. Syamak Hossein Nedjad və Qaz və Neft İnstitutunun direktoru Dr. Seyed Alireza Tabatabaeinezhad daxil idilər.