2016-cı il aprelin 27-də Xəzər Universitetində Elektronika və telekomunikasiya departamentinin dəstəyi ilə tələbələr arasında günəş elektromobili layihəsinin təqdimatı oldu. Mühəndislik və tətbiqi elmlər fakültəsinin elektronika və mexanika ixtisasları üzrə təhsil alan bir qrup tələbə komanda şəklində hazırladıqları günəş elektromobillərini təqdim etdilər. Ümumilikdə, 10 tələbədən ibarət 5 komanda yarışa qatılmışdı. Mühəndislik və tətbiqi elmlər fakültəsinin müəllimlərindən ibarət münsiflərin ümumi rəyi ilə qalib komandalar müəyyən olundu.