3 may saat 13:00 tarixində “Veysəloğlu” şirkətlər qrupu VİA (Veysəloğlu İlk Addım) proqramı çərçivəsində Xəzər Universitetinin İqtisadiyyat və Menecment fakultəsinin tələbələri üçün məlumatlandırıcı seminar keçirəcəkdir. Seminar MS TEAMS vasitəsilə keçiriləcək. 

Seminara aşağıdakı link vasitəsilə qoşula bilərsiniz:

Click here to join the meeting

VİA-nın məqsədi:

• Seçilmiş universitetlərin müvafiq fakültələrinin məzunlarını məşğulluqla təmin etmək;
• Şirkətin əsas funksiyalarında mütəxəssis və üstü vəzifələr üzrə istedadlı və dayanıqlı davamçılar yetişdirmək.

Proqramın üstünlüyü:

• “Veysəloğlu” MMC-nin aparıcı funksiyalarının hər birində mentorun istiqamətləndirməsi ilə öyrədici və bazara nəzərən yüksək ödənişli təcrübə proqramı;
• Ümumi idarəetmə, Maliyyə, İR idarəedilməsi, Marketinq və Marketinq Kommunikasiyaları, Məhsul yaradılması və Keyfiyyətə Nəzarət, Logistika, Müştəri Əlaqələrinin İdarəedilməsi sahəsində praktiki biznes biliklərinin formalaşdırılması və inkişaf etdirilməsi;
• Strateji düşünmə və təqdimat bacarıqlarının inkişafına yönəlik tapşırıqlar.

VİA proqramı çərçivəsində müxtəlif universitetlərdən ən yaxşı 100 namizəd seçiləcək və bu 100 namizəd arasında seçim mərhələli seçim proseslərindən uğurla keçmiş ən yaxşı 15 namizəd qəbul ediləcək.