31 mart 2021-ci il tarixində saat 18:00-da Xəzər Universiteti Təlim və Tədris Mərkəzinin təşkilatçılığı ilə magistr, doktorant tələbələr, akademik heyət və tədqiqatçılar üçün nəzərdə tutulmuş növbəti virtual tədqiqat seminarı keçirəcəkdir. Seminar Valencia Politexnik Universitetinin (UPV) əməkdaşı Dr. Jose Migel Carotun təqdimatında “Proqramların akkreditasiyasi: universitetlərin dəyişilməsi üçün imkan” mövzusunda olacaqdır.

Seminar MS Teams proqramında keçiriləcəkdir və seminar ingilis dilində olacaqdır. İştirak etmək istəyənlər qeydiyyatdan keçmək və əlavə məlumat almaq üçün Ülkər Bayramova (ubayramova@khazar.org) ilə əlaqə saxlaya bilərlər. 

Seminara qoşulmaq üçün link aşağıdakı kimidir: 

Microsoft Teams meeting
Join on your computer or mobile app
Click here to join the meeting

Dr. Jose Migel Carot haqqında qısa arayış:

Dr. Jose Miguel Carot doktorluq dərəcəsini riyaziyyat üzrə Valencia Politexnik Universitetində alıb. Eyni universitetin Tətbiqi Statistika, Əməliyyat Tədqiqatları və Keyfiyyət Bölməsində tam ştatlı əməkdaşdır. Keyfiyyət və Dəyişiklik İdarəetmə Mərkəzinin direktoru, Akademik Qiymətləndirmə Ofisinin rəhbəri və hazırda UPV-də Keyfiyyət və akkreditasiya şöbəsinin rəhbəridir. Ali təhsil menecmenti, sorğu metodologiyası, çox dəyişkən metodlar, keyfiyyət və məlumat sistemləri üçün kompozit göstəricilər üzrə tədqiqatlar aparır. Ali təhsildə keyfiyyət təminatı və göstəriciləri (PROFLEX, GOODUEP, EUSTEP, UNIQM, E3M, INFOACES) ilə əlaqəli 6 Avropa tədqiqat layihəsini koordinasiya etmişdir. Digər 41 tədqiqat layihəsində və həmçinin müxtəlif şirkət və təşkilatlarla 50-dən çox layihədə iştirak etmişdir. Milli və beynəlxalq jurnallarda 100-dən çox məqalə (47 indeksli məqalə) və bundan əlavə, milli və beynəlxalq konqreslərdə 160-dan çox müsahibə dərc etmişdir.