26 fevral 2021-ci il tarixində saat 18:00-da Xəzər Universiteti Təlim və Tədris Mərkəzinin təşkilatçılığı ilə magistr, doktorant tələbələr, akademik heyət və tədqiqatçılar üçün nəzərdə tutulmuş növbəti virtual tədqiqat seminarı keçiriləcəkdir. Seminar Valencia Politexnik Universitetinin (UPV) əməkdaşı Dr. Elena de la Pozanın təqdimatında “Ali təhsildə davamlılığın təşviqi: davamlı inkişaf məqsədləri” mövzusunda olacaqdır.

Seminar MS Teams proqramında keçiriləcəkdir və seminar ingilis dilində olacaqdır. İştirak etmək istəyənlər qeydiyyatdan keçmək və əlavə məlumat almaq üçün Ülkər Bayramova (ubayramova@khazar.org) ilə əlaqə saxlaya bilərlər.

Tədbirə MS Teams proqramında və aşağıdakı link vasitəsilə qoşulmaq olar:

Microsoft Teams meeting
Join on your computer or mobile app
Click here to join the meeting

Dr. Elena de la Poza haqqında qısa arayış:

2003-cü ildə UPV-dən Biznes İdarəetmə və İdarəetmə ixtisasını bitirmiş və 2008-ci ildə Valensiya Politexnik Universitetindən (UPV) doktorluq dərəcəsini almış.

Hal-hazırda UPV İqtisadiyyat və Sosial Elmlər Bölməsinin dosentidir. Tədqiqatçı kimi fenomenlərin empirik iqtisadi-maliyyə təhlili və davamlılığın inkişafı üzrə ixtisaslaşmışdır.

İki kitabın ortaq redaktoru və 35-dən çox beynəlxalq elmi məqalənin və 12 kitab fəslinin müəllifidir. 50-dən çox milli və beynəlxalq konlarfranslarda məruzə ilə çıxış etmiş və 5 beynəlxalq konfransda qonaq məruzəçi olmuşdur. Chapel Hill-dəki Şimali Karolina Universiteti, Padova Universiteti, Knoxville Universiteti, Miçiqan Dövlət Universiteti, Panama Universiteti, Varşava Həyat Elmləri Universiteti, Ostrava Texniki Universiteti kimi təhsil müəssisələrində araşdırma aparmışdır. Hal-hazırda üç beynəlxalq Avropa layihəsində iştirak edir.