2016-cı il aprelin 14-də Xəzər Universitetinin tərəfdaş olduğu “Layihə iştirakçılarının bacarıqlarının artırılması” (Project Actors Capacity Training) adlı Avropa Komissiyasının Tempus layihəsi çərçivəsində JW Marriott Abşeron otelində layihənin yekun hesabat konfransı keçirildi. Konfransda Xəzər Universitetinin rektoru professor Hassan Niknafs, Azərbaycan Erasmus Plus Ofisinin rəhbəri Pərviz Bağırov, Xəzər Universitetinin İnkişaf üzrə direktoru Raziyə İsayeva, Bakı Dövlət Universitetinin əməkdaşı Təranə Mahmudova layihə, layihənin nəticələri və onun Azərbaycan universitetləri üçün açdığı imkanlar haqqında iştirakçılara geniş məlumat verdilər. Həmçinin, Xəzər Universitetinin əməkdaşı Rima Məmmədova koordinatoru olduğu “Əlilliyi olan şəxslərin Azərbaycan ali təhsil müəssisələrinə inteqrasiyasının təməlinin qoyulması” layihəsi haqqında konfrans iştirakçılarına məlumat verdi. 2016-cı il aprelin 14-də Xəzər Universitetinin tərəfdaş olduğu “Layihə iştirakçılarının bacarıqlarının artırılması” (
Qonaq məruzəçi Çak Şeridan “Layihələrin idarə olunması təcrübəsi” təqdimatında Baki 1-ci Avropa Oyunlarının təşkili və idarə olunması haqqında danışdı.
Konfransda Xəzər Universitinin rəhbərliyi və əməkdaşları, Bakı Dövlət Universitetinin nümayəndələri və Azərbaycanın müxtəlif universitetlərindən qonaqlar iştirak edirdilər.
Xəzər Universitetinin tərəfdaş olduğu bu layihənin koordinatoru Gürcüstan Respublikasının David Tvildiani adına Tibb Universitetidir.