Elm və Təhsil Nazirliyinin və bəzi universitetlərin İctimai Əlaqələr və Media üzrə rəhbərlərinin 2026- cı il noyabrın 2- də  Xəzər Universitetində qeyri-rəsmi görüşü keçirildi.

Görüşdə BDU, ADNSU, TAU, Azərbaycan Milli Konservatoriyası, ADMİU, ADPU, Az.RA, AzMİU və digər universitetlərin nümayəndələri iştirak etdilər.

Xəzər Universitetinin İctimai Əlaqələr və Media üzrə direktoru Əlövsət Əmirbəyli qonaqları salamlayaraq, onlara “ Xəzər”  haqqında geniş məlumat verdi.

Elm və Təhsil Nazirliyinin İctimaiyyətlə əlaqələr və kommunikasiya şöbəsinin müdiri Səbuhi Rzayev Xəzər Universitetinin rəhbərliyinə görüşün təşkilatçılığı üçün dərin təşəkkürünü bildirdi.

O, Xəzər Universitetinin bu günə kimi əldə etdiyi uğurlardan söz açaraq, Azərbaycanın ən aparıcı özəl universitetinin belə bir təşəbbüs irəli sürməsinin alqışalayiq olduğunu və bu cür görüşlərin digər universitetlərdə də davam etdiriləcəyini diqqətə çatdırdı.

Xəzər Universitetinin rektoru Dr. Raziyə İsayeva görüşdə iştirak edən qonaqları səmimi salamlayaraq, bundan sonra da bu cür görüşlərə ev sahibliyi etməkdən məmnun olduğunu bildirdi.

Sonra qonaqlar Xəzər Universitetinin Kamera Orkestri ilə tanış oldular və tələbələrdən ibarət xor qrupunun ifasında “ Bəri bax” mahnısını dinlədirlər.

Qonaqlar Xəzər Universitəsində yaradılmış “ Elm və Sənət Məclisi”nin guşəsini gəzdilər, həmçinin, elektronika, telekommunikasiya, və radiomühəndislik, elektrik güc sistemləri, robot və Sİ, molekulyar biologiya və biotexnologiya, hüceyrə patalogiyası və digər laboratoriyalarla yaxından tanış oldular. Görüşdə Elm və Təhsil üzrə Dövlət Agentliyinin Sənədlərlə və müraciətlərlə iş sektorunun müdiri Pərviz Əliyev də iştirak etdi.