Xəzər Universitetinin Kimya və kimya mühəndisliyi departamentinin müəllimlərinin iştirakı ilə “Lüminessensiya metodlarının nəzəri əsasları və onların tətbiq sahələri” adlı yeni elmi kitab nəşr olunub.

Kitabın həmmüəllifləri Kimya və kimya mühəndisliyi departamentinin müdiri Dr. Tahir Cavadzadə və departamentin müəllimi Ülviyyə Yolçuyeva, həmçinin, R.Ə. Cəfərova və A.M. Məmmədovdur.

Nəşrdə lüminessensiya metodlarının nəzəri əsasları, fundamental prinsipləri və müxtəlif elm sahələrində tətbiq imkanları araşdırılır. Lüminessensiyaya əsaslanan analitik metodların elmi əhəmiyyətinə və praktiki tətbiq sahələrinə xüsusi diqqət yetirilir. Kitab kimya, analitik kimya və əlaqəli elm sahələrində təhsil alan tələbələr, elmi-tədqiqat fəaliyyəti ilə məşğul olan tədqiqatçılar və müvafiq sahələr üzrə mütəxəssislər üçün dəyərli elmi mənbə kimi nəzərdə tutulub.

Bu nəşr Xəzər Universitetinin müəllimlərinin kimya elminin inkişafına, elmi biliklərin zənginləşdirilməsinə və elmi-tədris resurslarının hazırlanmasına verdiyi növbəti töhfədir.