2016-cı il martın 11-də Polşanın Lodz Universitetindən professor “Vegetarianlığın fəlsəfi aspektləri”adlı kursunun ilk məruzəsi ilə çıxış etdi.

Kurs mart ayı ərzində Xəzər Universitetinin tələbələri üçün Avropa Komissiyası tərəfindən maliyyələşdirilən EMBER (Erasmus Mundus Broadening Educational Opportunities – Erasmus Mundus təhsil imkanlarının genişləndirilməsi) layihəsi çərçivəsində Lodz Universitetinin professoru Dr. Yanuş Çiçura tərəfindən təqdim olunur. Geniş pedaqoji təcrübəyə malik olan Dr. Çiçura fəlsəfə elmləri üzrə doktorluq dərəcəsini 2005-ci ildə Lodz Universitetində almışdır.

EMBER layihəsi Qərbi-Mərkəzi-Şərqi Avropa və Cənubi Qafqazdan olan iyirmi tərəfdaş və dörd əlaqədar tərəfdaş ali təhsil müəssisələrindən ibarət konsorsiumdur. Layihənin hədəf sahələri iqtisadiyyat, biznes, dillər və sosiologiyadır.