Xəzər Universitetinin İqtisadiyyat və menecment departamenti tərəfindən 2026- cı il oktyabrın 26- da  VII Ümumdünya Mədəniyyətlərarası Dialoq Forumu ilə bağlı infosessiya keçirilib.

Sessiyanın əsas məqsədi tələbələri forumun mahiyyəti, məqsədləri və əhəmiyyəti barədə məlumatlandırmaq, mədəniyyətlərarası dialoqu təşviq etmək, eləcə də gənclərin beynəlxalq əməkdaşlıq, qarşılıqlı anlaşma və qlobal çağırışların müzakirəsi prosesində fəal iştirakına dəstək göstərmək olub.

Görüş çərçivəsində tələbələrin forumda iştirak imkanları barədə məlumat verilib, onların beynəlxalq platformalarda təmsilçiliyinin və müxtəlif mədəniyyətlər arasında dialoqun inkişafına töhfə verməsinin əhəmiyyəti vurğulanıb.

Gənclərin qlobal dialoq proseslərinə cəlb olunması, dünyagörüşlərinin genişləndirilməsi və beynəlxalq təşəbbüslərdə iştirakının təşviqi istiqamətində bu cür  maarifləndirmə fəaliyyətləri xüsusi əhəmiyyət daşıyır.