2026-cı il oktyabrın 7-də Xəzər Universitetinin Siyasi elmlər və fəlsəfə departamentinin müəllimi Günel Mədədli Polşanın Jagiellonian Universitetində siyasi elmlər ixtisası üzrə doktorluq dissertasiyasını distinction (fərqlənmə) dərəcəsi ilə uğurla müdafiə edib.

Günel Mədədlinin “Xarici siyasətə gender yanaşması: İsveçin feminist xarici siyasəti çərçivəsində Gürcüstan nümunəsi” (A Gendered Approach to Foreign Policy: The Case Study of Georgia in the Framework of Swedish Feminist Foreign Policy) adlı dissertasiya işi gender yanaşmasının xarici siyasətdə roluna və İsveçin feminist xarici siyasəti çərçivəsində Gürcüstan nümunəsinin təhlilinə həsr olunub.