Xəzər Universiteti, Gazi Universiteti, On dokuz Mayıs Universiteti, Andijan Dövlət Xarici Dillər İnstitutu, Özbəkistan Dövlət Dillər Universiteti, Sahnin Müəllim Hazırlığı Kollecinin birgə əməkdaşlığı ilə 2026- cı il 5- 6 oktyabrda simpozium təşkil edilib. Simpoziumun əsas məqsədi mədəni diplomatiya, mədəniyyətlərarası dialoq və süni intellektin bu sahələrdə tətbiqi ilə bağlı fikir və təcrübə mübadiləsi aparmaq, eləcə də gələcək əməkdaşlıq imkanlarını müzakirə etmək olub.

Proqramın praktiki hissəsində iştirakçılar müxtəlif süni intellekt alətlərindən istifadə etməklə şəxsi və mədəni narrativlərin araşdırılması, təhlili və yeni formalarda təqdim edilməsi istiqamətində sessiyalar olub. NotebookLM, Gemini və Storybook kimi alətlərdən istifadə etməklə, iştirakçılar mədəni narrativlərə müxtəlif perspektivlərdən yanaşma, alternativ baxışların formalaşdırılması, mədəniyyətlərarası şərh və vizual hekayələrin hazırlanması imkanlarını araşdırıblar. Eyni zamanda, mədəni diplomatiya məqsədləri üçün fərdiləşdirilmiş süni intellekt köməkçisinin, eləcə də mədəniyyətlərarası dialoqu dəstəkləyən prompt və təlimatların hazırlanması üzrə praktiki təcrübə qazanıblar.

Proqram çərçivəsində müxtəlif ölkələrin nümayəndələri mədəni diplomatiya və süni intellekt mövzusunda təqdimatlar edərək, öz ölkələrinin təcrübələrini, yanaşmalarını və perspektivlərini bölüşüblər. Təqdimatlar iştirakçılar arasında fikir mübadiləsinin aparılmasına, müxtəlif ölkələrin təcrübələrinin müqayisə edilməsinə və gələcək əməkdaşlıq imkanlarının müzakirəsinə şərait yaradıb.

Proqramın üçüncü günündə qonaqlar üçün şəhər turu təşkil edilib.

Ümumilikdə, üçgünlük proqram iştirakçılara mədəni diplomatiya və süni intellektin kəsişməsində yeni yanaşmaları öyrənmək, müxtəlif mədəni perspektivləri paylaşmaq və beynəlxalq əməkdaşlıq imkanlarını genişləndirmək üçün əlverişli platforma yaradıb. Proqramın yekununda iştirakçılar əldə etdikləri təcrübələri və proqramın nəticələrini qiymətləndirərək, gələcək birgə təşəbbüslər və əməkdaşlıq istiqamətləri üzrə növbəti addımları müzakirə ediblər.