Xəzər Universiteti  İT Departamentinin  rəhbəri Fərid Musayev süni intellektin sürətli inkişafının yaratdığı imkanlar və risklər barədə danışıb.

Fərid Musayev Demokrat.az-a açıqlamasında bildirib ki, süni intellekt elmi kəşflər, tibb, iqtisadiyyat və mürəkkəb problemlərin həlli sahələrində insan imkanlarını əhəmiyyətli dərəcədə genişləndirə bilər.

Mütəxəssisin sözlərinə görə, əsas risklərdən biri əmək bazarında avtomatlaşdırmanın genişlənməsi və bunun iş yerlərinə təsiridir. Bununla yanaşı, süni intellekt kibertəhlükəsizlik, dezinformasiya və deepfake texnologiyalarının yayılması kimi yeni riskləri də artıra bilər.

Fərid Musayev qeyd edib ki, süni intellektin nəticələri yalnız texnologiyanın özündən deyil, onun hansı hüquqi, etik və təhlükəsizlik çərçivəsində inkişaf etdirilməsindən asılıdır.

Onun fikrincə, AI Safety və Alignment istiqamətlərinə investisiyaların artırılması və effektiv nəzarət mexanizmlərinin yaradılması süni intellektdən əldə olunan faydaların artırılması və mümkün risklərin azaldılması baxımından mühüm əhəmiyyət daşıyır.

https://demokrat.az/news/298414/kutlevi-issizlik-dovru-yaxinlasir-aciqlama