Azərbaycanın Dövlət Mükafatı laureatı, Əməkdar İncəsənət xadimi, Xəzər Universitetinin “XəzərXəbər” jurnalının redaksiya heyətinin üzvü, ssenarist, şair, tərcüməçi Alla Axundova vəfat edib.

Alla Axundova 1939- cu ildə Moskva şəhərində anadan olub. 1964- cü ildə Maksim Qorki adına Ədəbiyyat İnstitutunu, 1967- ci ildə isə Ali rejissorluq və ssenaristlər kursunun ssenari bölməsini bitirib.

Alla Axundova 9 bədii, 3 animasiya, o cümlədən, “Şərikli çörək”, “Alma almaya bənzər” kimi böyük şöhrət qazanmış  Azərbaycan bədii filmlərinin ssenari müəllifi olub.O, həmçinin, Azərbaycan ədəbiyyatının tanınmış nümayəndələrinin bir çox əsərini rus dilinə tərcümə edib.

2003- cü ildən Azərbaycan Respublikası Prezidentinin fərdi təqaüdçüsü idi.

Xəzər Universitetinin kollektivi Alla Axundovanın vəfatından kədərləndiyini bildirir və mərhumun ailəsinə dərin hüznlə başsağlığı verir.

ALLAH RƏHMƏT ELƏSİN!