2016-cı il yanvarın 8-də ABŞ-ın ölkəmizdəki səfirliyinin nümayəndələri əməkdaşlıq imkanlarını müzakirə etmək məqsədilə Xəzər Universitetində oldular. Səfirliyin Mədəniyyət və təhsil məsələləri üzrə müşaviri Amy Petersen və Təhsil işləri üzrə mütəxəssisi Ramina Mürşüdova Xəzər Universitetinin rektoru Hassan Niknafs, Tədris işləri üzrə prorektoru Məhəmməd Nuriyev və Siyasi elm və beynəlxalq münasibətlər departamentinin müdiri Muxtar Hacızadə ilə görüşdülər.

Görüş zamanı ABŞ səfirliyinin nümayəndələri Azərbaycan vətəndaşları üçün hazırda mövcud olan proqramlar haqqında məlumat verdilər. Professor Niknafs isə xarici tələbələr üçün Xəzər Universitetində mövcud olan imkanlardan danışdı.