2026-cı il avqustun 28-də Xəzər Universitetinin Beynəlxalq əlaqələr şöbəsi tərəfindən Erasmus+ proqramı çərçivəsində mübadilə proqramına seçilmiş tələbələr üçün səfərqabağı məlumatlandırma sessiyası keçirilib. Görüşdə İtaliya (Roma “Sapienza” və Turin Politexnik Universitetləri), Portuqaliya (Braqança Politexnik İnstitutu) və Türkiyənin (Koç və Galatasaray universitetləri) tərəfdaş universitetlərində Erasmus+ mübadilə proqramı çərçivəsində təhsil alacaq bakalavr tələbələri iştirak ediblər.

Sessiya çərçivəsində tələbələrlə mübadilə müddətində qarşılaşa biləcəkləri əsas məsələlər, proqram çərçivəsində həyata keçirilməli olan vacib addımlar, akademik gözləntilər və yeni mühitə uyğunlaşma ilə bağlı fikir mübadiləsi aparılıb. Tələbələrin sualları cavablandırılıb və onların mübadilə müddətinə hazırlığı ilə bağlı əsas məqamlar diqqətə çatdırılıb.

Görüşdə Xəzər Universitetinin Beynəlxalq əlaqələr şöbəsinin müdiri Dr. Firuz Süleymanov və şöbənin koordinatoru Seyran Əliyeva iştirak ediblər. Universitet nümayəndələri tələbələri Erasmus+ mübadilə proqramına seçilmələri münasibətilə təbrik edərək, onlara qarşıdakı akademik fəaliyyətlərində uğurlar arzulayıblar.