Xəzər Universitetinin rektoru Dr. Raziyə İsayeva 2026- cı il avqustun 22- də Siyasi elmlər və fəlsəfə departamentinin müəllimi Baba Bayramlıya yubileyi münasibətilə təbrik məktubu ünvanlayıb. Məktubda deyilir:  

Hörmətli Baba müəllim,

Sizi yubileyiniz münasibətilə Xəzər Universitetinin kollektivi adından səmimi-qəlbdən təbrik edirik.

Uzun illər ərzində Xəzər Universitetində göstərdiyiniz fədakar fəaliyyət, siyasi elmlər sahəsində tədrisə verdiyiniz dəyərli töhfələr, peşəkarlığınız və tələbələrə göstərdiyiniz diqqət həmkarlarınız və tələbələriniz tərəfindən yüksək qiymətləndirilir. Zəngin bilik və təcrübəniz, universitetimizə sədaqətiniz və gənc nəslin yetişdirilməsindəki xidmətləriniz akademik ictimaiyyətimiz üçün xüsusi əhəmiyyət daşıyır.

Xəzər Universitetinin inkişafına verdiyiniz uzunmüddətli və dəyərli töhfələrə görə, Sizə dərin minnətdarlığımızı bildiririk. Bu əlamətdar gündə Sizə möhkəm cansağlığı, ailə səadəti, xoşbəxtlik, yeni uğurlar və fəaliyyətinizdə davamlı nailiyyətlər arzulayırıq.

Ad gününüz mübarək!