Xəzər Universiteti Psixologiya departamentinin əməkdaşı, Xəzər Psixoloji Xidmət Mərkəzinin psixoloqu Mirsadiq Muxtarov 2026-cı il iyulun 8-də “Tehsil365” xəbər portalına müsahibə verib. O, tələbələrin psixoloji sağlamlığı, akademik tükənmişlik, motivasiya və psixoloji dəstəyin əhəmiyyəti ilə bağlı fikirlərini bölüşüb.Psixoloq bildirib ki, tələbələr arasında ən çox gözdən qaçan problemlərdən biri xroniki stressin normallaşdırılmasıdır. Onun sözlərinə görə, davamlı stress həm akademik fəaliyyətə, həm də fiziki və psixi sağlamlığa mənfi təsir göstərir. Mirsadiq Muxtarov vurğulayıb ki, kifayət qədər yuxu, fiziki aktivlik, vaxtın düzgün planlaşdırılması və sosial dəstək psixoloji sağlamlığın qorunmasında mühüm rol oynayır.Mirsadiq Muxtarov qeyd edib ki, akademik tükənmişlik yüksək tədris yükü, davamlı təzyiq və istirahətin kifayət qədər olmaması nəticəsində yaranır. O əlavə edib ki, iş və istirahət arasında balansın qorunması, real hədəflərin müəyyənləşdirilməsi və prosesə fokuslanmaq həm tükənmişliyin, həm də uğursuzluq qorxusunun aradan qaldırılmasına kömək edir.Psixoloq, həmçinin, vurğulayıb ki, psixoloji çətinliklər gündəlik həyata mənfi təsir göstərdikdə mütəxəssis dəstəyinə müraciət etmək vacibdir. Onun sözlərinə görə, psixoloji dəstək almaq zəiflik deyil, insanın öz sağlamlığına və inkişafına verdiyi önəmin göstəricisidir.

Müsahibənin tam versiyası aşağıdakı linkdə:

https://tehsil365.news/az/news/61947/