Türkiyənin Akdeniz Universitetinin 2 PhD tələbəsi 2026 – cı il 1 – 10 iyul aralığında  Xəzər Universitetində psixologiya sahələri üzrə təcrübə proqramında iştirak ediblər.

Təcrübə proqramının ilk günü, iyulun 1 – də PhD tələbələri ilə tanışlıq məqsədli görüş keçirilib. Görüşdə Təbiət elmləri, sənət və texnologiya yüksək təhsil fakültəsinin elmi işlər üzrə dekan müavini Dr. Günay Hacıyeva, Psixologiya departamentinin koordinatoru, Psixoloji Xidmət Mərkəzinin rəhbəri Mələk Kərimova və Beynəlxalq əlaqələr şöbəsinin koordinatoru Seyran Əliyeva iştirak ediblər.

Görüş çərçivəsində universitetlərarası əməkdaşlığın inkişaf perspektivləri, akademik əlaqələrin möhkəmləndirilməsi, PhD tələbələrinin təcrübə proqramının təşkili və digər qarşılıqlı maraq doğuran məsələlər ətrafında fikir mübadiləsi aparılıb.