Sabancı Universitetinin "Rəhbər Kadrların İnkişafı Bölməsi"nin Beynəlxalq İşgüzar Əlaqələrin İnkişafı üzrə meneceri Özge Özkan, Beynəlxalq Proqramlar üzrə məsləhətçisi Gülin Kan Yükseltan və "Təməl İnkişaf Proqramı"nın direktoru Dr. Emre Erol 2026 – cı il iyunun 24 – də Xəzər Universitetinin qonağı olublar.

Humanitar, təhsil və sosial elmlər fakültəsinin təşkilatçılığı ilə keçirilən görüşdə qonaqlara Xəzər Universitetinin fəaliyyəti, təhsil proqramları və s. haqqında ətraflı məlumat təqdim olunub.

Səfər çərçivəsində Sabancı Universitetinin nümayəndələri universitetlərdə idarəetmə və akademik heyətin peşəkar bacarıqlarının inkişafına yönəlmiş təlim və inkişaf proqramları barədə təqdimatla çıxış ediblər.

Eyni zamanda, "Təməl İnkişaf Proqramı"nın direktoru Dr. Emre Erol ilə Xəzər Universitetində ingilisdilli tədrisin keyfiyyətinin daha da yüksəldilməsi, bu istiqamətdə müəllim hazırlığının təkmilləşdirilməsi istiqamətində əməkdaşlıq imkanları müzakirə olunub.