Xəzər Universitetində Azərbaycan Dəmir Yolları QSC-nin nümayəndələri ilə 2026- cı il iyulun 2- də əməkdaşlıq imkanlarının müzakirəsi məqsədilə görüş keçirilib.

Görüşdə “Xəzər” tərəfindən universitetin fəaliyyəti, strateji inkişaf istiqamətləri və akademik potensialı haqqında ətraflı məlumat təqdim olunub. Xəzər Universitetinin tədqiqatyönümlü ali təhsil müəssisəsi olaraq, elmi araşdırmaların inkişafına, innovativ mühitin formalaşdırılmasına və universitet–sənaye əməkdaşlığının gücləndirilməsinə xüsusi önəm verdiyi vurğulanıb.

Sonra tərəflər arasında əməkdaşlığın perspektiv istiqamətləri üzrə geniş fikir mübadiləsi aparılıb. Müzakirələr zamanı tələbələrin istehsalat təcrübəsinin təşkili, birgə təlim və seminarların keçirilməsi,  ekspert bilik və təcrübəsinin paylaşılması, həmçinin, digər qarşılıqlı maraq doğuran sahələrdə əməkdaşlıq imkanları nəzərdən keçirilib.