Xəzər Universiteti Tarix və arxeologiya departamentinin müdiri, dos. Telman Nüsrətoğlunun 2026- cı il iyunun 21- də “Ermenistan’da Son Seçimler ve Bölgemize Yansımaları” adlı məqaləsi İslam Ölkələri Akademisyenlər və Yazarlar Birliyi  (AYBİR) jurnalının iyun sayında dərc olunub.

Məqalədə Ermənistanda keçirilən son seçkilərin Cənubi Qafqazın siyasi gələcəyi və regional geosiyasi proseslər baxımından əhəmiyyəti təhlil edilir. Departament müdiri Ermənistanın mövcud vəziyyətini tarixi proseslər fonunda dəyərləndirərək, Çar Rusiyası dövründən başlayan demoqrafik dəyişikliklərə, Qarabağ münaqişəsinin yaranmasına və Rusiyanın regiondakı siyasətinə diqqət çəkir.

Məqalədə həmçinin, 44 günlük Vətən müharibəsinin bölgədə yeni siyasi reallıq yaratdığı, Azərbaycanın hərbi qələbəni diplomatik üstünlüyə çevirdiyi və Ermənistanı sülh prosesinə yaxınlaşdırdığı vurğulanır. Məqalədə Zəngəzur dəhlizi ətrafında formalaşan geosiyasi rəqabət də təhlil olunur.

Dos. Telman Nüsrətoğlu qeyd edir ki, Ermənistanda son seçkilər regionda yaranan yeni siyasi balansın göstəricisidir və Azərbaycanla Türkiyənin əməkdaşlığa əsaslanan siyasəti Cənubi Qafqazda sabitliyin möhkəmlənməsində mühüm rol oynayacaq.

Link aşağıdadır:

https://www.aybir.org/ermenistanda-son-secimler-ve-bolgemize-yansimalari/?fbclid=IwVERDUASpo8lleHRuA2FlbQIxMQBzcnRjBmFwcF9pZAo2NjI4NTY4Mzc5AAEegZGyswJBPwGCKwp_UuFyB-Rn4bNB1aV2mwSkhgpjIfvxWAiYiHCLXylbRWM_aem_5FIjDdE07f7T5Ui13-UR5g