Xəzər Universitetinin  Tarix və arxeologiya departamentinin müdiri, dosent Telman Nüsrətoğlu 2026- cı il iyunun 22-də AzTV- nin “Hədəf” proqramının canlı yayımında çıxış edib.

Proqramda Telman Nüsrətoğlu Azərbaycan–Türkmənistan münasibətlərinin tarixi kökləri, iki ölkə arasında mövcud olan ikitərəfli və çoxtərəfli əməkdaşlıq istiqamətləri barədə ətraflı məlumat verib. O, çıxışında xüsusilə, enerji sahəsində əməkdaşlığın əhəmiyyətinə diqqət çəkərək, Xəzər regionunda mövcud vəziyyəti geniş şəkildə təhlil edib.

Dosent Telman Nüsrətoğlu, həmçinin, Türkmən qazının Azərbaycan üzərindən Avropa bazarlarına daşınması məsələsinə toxunaraq, bu istiqamətdə həyata keçirilə biləcək layihələrin geosiyasi və iqtisadi əhəmiyyətini vurğulayıb. Qeyd olunub ki, Azərbaycan və Türkmənistan arasında əlaqələr təkcə tarixi və mədəni bağlarla deyil, həm də strateji maraqlar əsasında inkişaf edir və bu əməkdaşlığın gələcəkdə daha da genişlənəcəyi gözlənilir.