Xəzər Universiteti rəhbərliyi və İslam İnkişaf Bankı (IsDB) nümayəndələrinin iştirakı ilə 2026- cı il iyunun 16- da  görüş keçirilib.

Görüşdə Xəzər Universitetinin rektoru Dr. Raziyə İsayeva, Təbiət elmləri və mühəndislik fakültəsinin dekanı Dr. Fəxrəndə Əfəndiyeva, İqtisadiyyat və menecment fakültəsinin dekanı Dr. Dilarə Rəsulova iştirak ediblər.

Görüşün məqsədi İslam İnkişaf Bankının karyera imkanları, insan resursları ehtiyacları və gələcək əməkdaşlıq perspektivləri barədə müzakirələrin aparılması olub.

Görüş çərçivəsində IsDB nümayəndələri təşkilatda mövcud karyera imkanları, tələb olunan peşəkar bacarıqlar və gənc mütəxəssislər üçün inkişaf proqramları haqqında təqdimatla çıxış ediblər. “Xəzər” tərəfi isə universitetin fəaliyyəti, tələbələrin məşğulluğunun artırılması, ikili diplom proqramları, doktorantura təhsili istiqamətində həyata keçirilən təşəbbüslər barədə məlumat verib.

Tərəflər əlaqələrin davam etdirilməsi və gələcək əməkdaşlıq imkanlarının araşdırılması barədə fikir mübadiləsi aparıblar.