Xəzər Universitetinin Hasvet baytarlıq təbabəti fakültəsinin yeni tədris binasının və müasir tədris klinikasının 2026- cı il iyunun 12- də açılış mərasimi keçirilmişdir. Tədbirdə dövlət qurumlarının nümayəndələri, beynəlxalq tərəfdaşlar, ali təhsil müəssisələrinin rəhbərləri, elm adamları, baytarlıq sahəsinin mütəxəssisləri, tələbələr, media nümayəndələri və digər qonaqlar iştirak etmişlər.

Xəzər Universiteti və Hasvet A.Ş. arasında əməkdaşlıq əsasında yaradılmış fakültə müasir təhsil, elmi araşdırma və klinik təcrübəni bir araya gətirən innovativ akademik mühit yaratmaqla, Azərbaycanda və regionda baytarlıq təhsilinin inkişafına dəstək verməyi qarşısına məqsəd qoymuşdur. İstifadəyə verilən yeni tədris binasında müasir auditoriyalar, ixtisaslaşdırılmış laboratoriyalar və tədris klinikası yerləşir. Fakültənin nəzdində fəaliyyət göstərəcək müasir tədris klinikasında tələbələrin nəzəri biliklərini praktiki bacarıqlarla birləşdirmələri üçün geniş imkanlar yaradılmışdır.

Xəzər Universiteti Hasvet baytarlıq təbabəti fakültəsinin yeni tədris binasının və müasir tədris klinikasının istifadəyə verilməsi Azərbaycan baytarlıq təhsilinin inkişafında mühüm mərhələ kimi qiymətləndirilir və gələcəkdə heyvan sağlamlığının qorunmasına, qida təhlükəsizliyinin təmin edilməsinə, eləcə də “Vahid sağlamlıq” konsepsiyasının ölkəmizdə daha səmərəli tətbiqinə mühüm töhfə verəcəkdir.