Xəzər Universiteti Psixologiya departamentinin müəllimi, psixologiya üzrə fəlsəfə doktoru Gülşən Əliyeva ilə psixogiya tələbələri Gülay Vahidova, Qənirə Ramizzadə və Qızqayıt İmanovanın birgə müəllifi olduqları “Relationship Between Social Media Use and Anxiety and Self-Esteem in Adolescents” məqaləsi “International Journal of Humanities and Applied Social Science” beynəlxalq jurnalında dərc olunmuşdur. Məqalədə yeniyetmələrdə sosial media istifadəsi ilə təşviş və özünə hörmət arasındakı əlaqə sistemli ədəbiyyat təhlili əsasında araşdırılmışdır. Tədqiqat passiv sosial media istifadəsinin narahatlıqla daha güclü əlaqəsini, aktiv istifadənin isə fərdi xüsusiyyətlərdən asılı olduğunu, həmçinin, sosial müqayisə və kiberzorakılığın bu münasibətdə rol oynadığını müəyyən etmişdir.

https://doi.org/10.33642/ijhass.v11n3p1