Xəzər Universitetinin Tarix və arxeologiya departamentinin müdiri Dos.Telman Nüsrətoğlunun müəllifi olduğu “Büyük Öğrenci Projesinden Günümüze Türk Dünyasında Türkiye Mezunları: Uluslararası Öğrenci Hareketliliği ve Türkiye” adlı məqalə 2026- cı il iyunun 3- də  Doç. Dr. Ahmet Vurgunun redaktorluğu ilə nəşr olunan “Türkiye’nin Eğitim Diplomasisi” (İstanbul 2026) adlı kitabda kitab bölümü kimi nəşr edilmişdir (s. 305–313).

Məqalədə Türkiyənin beynəlxalq tələbə siyasətinin tarixi inkişafı, Osmanlı dövründən başlayaraq, xarici tələbələrin təhsil prosesində iştirakı və müasir dövrdə tələbə mobilliyinin dövlətlərarası münasibətlərdə oynadığı rol elmi əsaslarla təhlil edilir. Xüsusilə Böyük Tələbə Layihəsinin türk dünyası ilə təhsil, elm və mədəniyyət sahələrində əlaqələrin gücləndirilməsinə verdiyi töhfələr araşdırılır. Məqalə Türkiyənin təhsil diplomatiyasının öyrənilməsi, türk dünyasında akademik əməkdaşlığın inkişafı və beynəlxalq tələbə hərəkatının tarixi-sosioloji aspektlərinin tədqiqi baxımından mühüm əhəmiyyət daşıyır.  Kitab bölümü ilə aşağıdakı link vasitəsilə tanış ola bilərsiniz.

http://dspace.khazar.org/handle/20.500.12323/8329