Xəzər Universitetinin rektoru Dr. Raziyə İsayeva 2026-cı il  mayın 21- də Türkiyənin Azərbaycandakı Səfirliyi və Yunus Əmrə İnstitutunun təşkilatçılığı ilə keçirilən tədbirdə iştirak edib.

Tədbirdə Türkiyənin Azərbaycandakı fövqəladə və səlahiyyətli səfiri Birol Akgün, Azərbaycanın Mədəniyyət nazirinin müavini Səadət Yusifova və digər qonaqlar iştirak ediblər.

Səfir Birol Akgün bildirib ki, Türk mətbəxi min illərin mədəniyyəti və ənənələri ilə formalaşıb və bu zəngin mətbəx öz yolunu dünyayla paylaşmağa davam edir.

Türk Mətbəxi Həftəsi hər il Türkiyə Respublikasının Prezidenti  Rəcəb Tayyib Ərdoğanın həyat yoldaşı birinci xanım Əminə Ərdoğanın rəhbərliyi və Prezident İdarəsinin himayəsi ilə təşkil olunur.

Hər il  21–27 may tarixlərində dünyanın müxtəlif ölkələrində qeyd olunan Türk Mətbəxi Həftəsi çərçivəsində keçirilən tədbirdə diplomatik nümayəndələr, millət vəkilləri və müxtəlif qurumların təmsilçiləri iştirak edirlər.