2026-cı il mayın 20- də Xəzər Universiteti Memarlıq və dizayn departamentinin tərəfdaşlığı ilə 13-cü Beynəlxalq Şəhərsalma Forumu (WUF-13) çərçivəsində beynəlxalq qonaqlarla görüş və onlayn seminar təşkil olunub.

Tədbirdə Beynəlxalq Malayziya İslam Universiteti, İstanbul Texniki Universiteti və Misir universitetlərindən dəvət olunmuş professor-müəllim heyəti iştirak edib. Görüşün əsas məqsədi universitetlərarası əməkdaşlığın inkişaf etdirilməsi, beynəlxalq akademik əlaqələrin genişləndirilməsi və elmi-təcrübi bilik mübadiləsinin aparılması olub.

Qonaqlar ilk olaraq, Firuz Süleymanov ilə görüşüblər. Görüş zamanı beynəlxalq əməkdaşlıq imkanları, tələbə və müəllim mübadilə proqramları, eləcə də gələcək birgə layihələr haqqında fikir mübadiləsi aparılıb.

Sonra qonaqlar Xəzər Universitetinin Təbiət elmləri və mühəndislik fakültəsinin dekanı Fəxrəndə Əfəndiyeva və Memarlıq və dizayn departamentinin koordinatoru Nigar Əliyeva ilə görüşüblər.  Görüş çərçivəsində akademik əməkdaşlıq, ortaq layihələr və gələcək perspektivlər müzakirə olunub.

Tədbir onlayn formatda davam edib və seminar müddətində iştirakçılar şəhərsalma, memarlıq, dizayn və beynəlxalq akademik əməkdaşlıq mövzularında təqdimatlarla çıxış ediblər.