2026-cı il mayın 19-da Xəzər Universiteti Beynəlxalq əlaqələr şöbəsinin təşkilatçılığı ilə Polşanın Jagiellonian Universiteti nümayəndə heyəti ilə görüş keçirilib.

Görüşdə Xəzər Universitetindən rektor Dr. Raziyə İsayeva və Beynəlxalq əlaqələr şöbəsinin müdiri Dr. Firuz Süleymanov iştirak ediblər. Görüş zamanı iki ali təhsil müəssisəsi arasında əməkdaşlıq perspektivləri müzakirə olunub.

Tərəflər gələcək əməkdaşlıq çərçivəsində tələbə mübadiləsi proqramlarının həyata keçirilməsi, birgə elmi layihələrin hazırlanması, ortaq akademik proqramların inkişaf etdirilməsi və digər istiqamətlər üzrə əməkdaşlıq imkanlarını nəzərdən keçiriblər.