Türkiyənin  Osmaniye Korkut Ata Universitetinin PhD tələbəsi Murad Güneş 2026-cı il mayın 4-8-də  Xəzər Universitetində İnşaat və mexanika mühəndisliyi sahəsi üzrə təşkil olunan təcrübə proqramında iştirak edib.

“Xəzər”in  Beynəlxalq əlaqələr ofisinin təşkilatçılığı ilə həyata keçirilən proqram çərçivəsində tələbə ilə tanışlıq görüşü  mayın 4- də olub.  Görüşdə Təbiət elmləri, sənət və texnologiya üzrə Yüksək təhsil fakültəsinin dekanı Dr. Günel Bahəddinova, Təbiət elmləri və mühəndislik fakültəsinin dekanı Dr. Fəxrəndə Əfəndiyeva, Elektronika və fizika departamentinin müəllimi Məhəmməd Əlizadə, Beynəlxalq əlaqələr şöbəsinin koordinatoru Seyran Əliyeva iştirak ediblər.

Görüş zamanı mexanika mühəndisliyi sahəsində tədris, fəaliyyətlər, universitetlərarası ikitərəfli əməkdaşlıq imkanlarının genişləndirilməsi, akademik əlaqələrin möhkəmləndirilməsi, eləcə də təcrübə müddətində həyata keçiriləcək fəaliyyət planı və qarşılıqlı maraq doğuran məsələlər müzakirə olunub.