Xəzər Universitetinin nəzdində fəaliyyət göstərən “Yeni Texnologiyalar və Süni İntellekt Araşdırma Mərkəzinin (ETAI)  direktoru Dr. Gloria Shkurti Özdemir 2026-cı il mayın 7-də  telekanalının “Prime Time” proqramının qonağı olub.

Aparıcı Guy Shone ilə müzakirədə süni intellekt texnologiyalarının müasir müharibələrdə artan rolu və təhlükəsizlik mühitinə təsiri ətrafında fikir mübadiləsi aparılıb.

Dr. Gloria Shkurti Özdemir bildirib ki, süni intellekt artıq yalnız məlumatların emalı və ya kəşfiyyat imkanlarının artırılması ilə məhdudlaşmır. Onun sözlərinə görə, bu texnologiyalar döyüş əməliyyatlarında qərarvermə prosesinə daha yaxın inteqrasiya olunur və məlumat toplama, hədəf analizi, silah seçimi kimi mərhələləri sürətləndirə bilir.

Müzakirə zamanı “avtomatlaşdırma qərəzi” (automation bias) anlayışına da diqqət çəkilib. Qeyd edilib ki, sürətli qərarvermə tələb olunan vəziyyətlərdə insan amilinin alqoritmik tövsiyyələrdən asılılığı artmaqdadır.

Ekspert əlavə edib ki, Ukrayna, Qəzza və İran ətrafında baş verən münaqişələr artıq yeni müharibə metodlarının sınaq meydanına çevrilib. Böyük güclər burada bir-birinin texnologiyalarını, taktiki yanaşmalarını və zəif tərəflərini müşahidə edir.

Dr. Gloria Shkurti Özdemir çıxışı zamanı süni intellekt əsaslı hərbi texnologiyaların inkişafı fonunda etik məsuliyyət və mülki əhalinin təhlükəsizliyi məsələlərinin xüsusi əhəmiyyət daşıdığını da qeyd edib.