2026-ci il mayın 14-də Xəzər Universitetinin Mərmər zalında Sabirabad rayonu Səməd Vurğun adına 3 nömrəli  tam orta məktəbin şagirdləri ilə görüş keçirilmişdir. Görüş çərçivəsində Xəzər Universiteti  Psixologiya Mərkəzinin direktoru  Mələk  Kərimovanın  vaxtın idarə edilməsi, imtahan prosesində həyəcanın aradan qaldırılması ilə bağlı seminarı olmuşdur.“Xəzər”in Dillər və ədəbiyyatlar departamentinin müəllimi Ülvi Babasoy abituriyentlərə universitetin tədris prosesi və təhsil imkanları barədə ətraflı məlumat vermiş və sualları cavablandırmışdır. Sabirabad rayonu Səməd Vurğun adına 3 nömrəli tam orta məktəbin müəllimi Musa Ələkbərov Xəzər Universitetindəki yüksək təlim-tədris prosesi haqqında fikirlərini bildirmişdir.

Sonda abituriyentlər Xəzər Universitetinin maddi-texniki bazası ilə tanış olmuşlar.