Türkiyənin Osmaniye Korkut Ata Universitetinin PhD tələbələri Ferhat Karademir ve Gülşah Ay Karademir 2026-cı il 10-19 martda Xəzər Universitetində biznesin idarə edilməsi sahəsi üzrə təcrübə proqramında iştirak ediblər.

Martın 19-da Xəzər Universitetində tələbələrlə təcrübə proqramının yekun görüşü keçirilib. Görüşdə İqtisadiyyat və biznes yüksək təhsil fakültəsinin dekan müavini Dr. Məhəmməd Çərkəzov və Beynəlxalq əlaqələr şöbəsinin koordinatoru Seyran Əliyeva iştirak ediblər.

Tələbələrin keçdiyi təcrübə proqramı ətraflı şəkildə dəyərləndirilib, əldə etdikləri təcrübələr və ümumi təəssüratlar müzakirə olunub.

Görüş sertifikatın təqdim olunması və xatirə şəkli çəkilməsi ilə başa çatıb.