2026-cı il aprelin 21-də Xəzər Universitetinin Kitabxana-İnformasiya Mərkəzində hüquqşünas, şair, yazıçı Lətifə Oruc ilə görüş keçirilib. Görüş çərçivəsində müəllifin “Sirli gedişlər” kitabı müzakirə edilib.

Tədbiri Kitabxana-İnformasiya Mərkəzinin direktoru Aytac Misgərli açaraq, belə görüşlərin  tələbələrin ədəbiyyata marağının artırılmasında mühüm rol oynadığını bildirib. Universitetin baş müəllimi Akif Əlizadə müəllif və kitab haqqında öz fikirlərini bölüşüb.

“Xəzər”in Dillər və ədəbiyyatlar departamentinin müdiri, dosent Dilbər Zeynalova və baş müəllim-hüquqşünas  Akif Əlizadə, universitetin   İctimai əlaqələr və media üzrə direktoru Əlövsət Əmirbəyli, eləcə də kitabxana əməkdaşları, tələbələr tədbirdə iştirak ediblər.

Qonaqlar arasında şair-publisist Nəsibə İsrafilqızı, bəstəkar Aybəniz Gülər, yazarın ailə üzvləri Zəminə Əliyeva və Nəhayət Əliyeva da olub.

Maraqlı keçən tədbirdə müəllifə suallar ünvanlanıb və əsər ətrafında geniş fikir mübadiləsi aparılıb.

Avtobioqrafik roman olan “Sirli gedişlər” kitabı maddi imkanı məhdud bir ailədə böyüyən yeddi qızın həyat yolundan və onların ali təhsil alaraq, uğur qazanmalarından bəhs edir..