Özbəkistanın qədim elm və mədəniyyət mərkəzi olan Buxara şəhərində 2026-cı il aprelin 6-da  Qafqaz Universitetinin Əbül-Həsən Xaraqani adına Tətbiqi Araşdırmalar Mərkəzinin (Türkiyə) və Qafqaz Universiteti İlahiyyat fakültəsinin öndərliyi, Xəzər Universitetinin Mövlana Ədəbi-Fəlsəfi Araşdırmalar İnstitutu (Azərbaycan) və Beynəlxalq Buxara Universitetinin (Özbəkistan) birgə təşkilatçılığı ilə Türk dünyasının mənəvi irsinə həsr olunmuş beynəlxalq simpozium keçirilib. Beynəlxalq Buxara  Universitetinin ev sahibliyi ilə keçirilən  “I beynəlxalq Türk dünyasında ortaq dəyərlərin ehyası və inşası simpoziumu”nda Türkiyə, Azərbaycan, Özbəkistan, Qazaxıstan, Malayziya, Pakistan və İngiltərə daxil olmaqla, 7 ölkədən məruzəçilər iştirak edib.

Xəzər Universitetini konfransda Mövlana Ədəbi-Fəlsəfi Araşdırmalar İnstitutunun koordinatoru Dr.Fəridə Seyidova təmsil edib. Bölmə iclasları boyunca Türk dünyasının ortaq mədəni dəyərləri dil, ədəbiyyat, folklor, tarix, din və toplumsal yaddaş kontekstində araşdırılıb, fənlərarası baxış bucağı ilə yüksək səviyyəli elmi müzakirələr aparılıb.