Qazaxstanın  Almatı şəhərində yerləşən Əl-Fərabi adına Qazax Milli Universitetində 2026-cı il aprelin 7-də də “Study in Azerbaijan” beynəlxalq təhsil sərgisi  davam edib. 

Sərginin ikinci günündə Azərbaycanın elm və təhsil naziri Emin Əmrullayev və Qazaxıstanın elm və ali təhsil nazirinin müavini çıxış edərək,  iki ölkə arasında təhsil sahəsində əməkdaşlığın əhəmiyyətini vurğulayıblar.

Sərgidə Xəzər Universitetinin stendi ziyarətçilər tərəfindən böyük maraqla qarşılanıb. Universiteti beynəlxalq sərgidə təmsil edən heyət ziyarətçilərin suallarını ətraflı   cavablandırıb.

Nazir və nazir müavini Xəzər Universitetinin stendinə baş çəkiblər. “Xəzər”in  rektoru Dr. Raziyə  İsayeva qonaqlara təhsil proqramları, beynəlxalq əməkdaşlıq imkanları və tələbələr üçün yaradılan şərait barədə ətraflı məlumat verib.

Qazaxıstanın elm və ali təhsil nazirinin müavininə Xəzər Universiteti adından xatirə hədiyyəsi təqdim olunub.