Xəzər Universitetinin  Tarix və arxeologiya departamentinin müdiri Dos. Telman Nüsrətoğlu 2026-cı il aprelin 3-də “Yeni dünya nizamı fonunda türk dünyasının strateji imkanları genişlənir” mövzusunda AZƏRTAC-a  şərh verib.

Şərhdə qeyd edilib ki, hazırda formalaşmaqda olan yeni dünya nizamı türk dövlətləri üçün əməkdaşlığın daha da genişləndirilməsi baxımından əlverişli imkanlar yaradır. Qlobal geosiyasi dəyişikliklər fonunda türk dünyasının regional və beynəlxalq proseslərdə rolu artır və bu, ölkələr arasında koordinasiyanın gücləndirilməsini zəruri edir.

Departament müdirinin şərhinə görə, türk dövlətləri arasında iqtisadi əlaqələrin inkişafı, ticarət dövriyyəsinin artırılması və qarşılıqlı investisiya layihələrinin genişləndirilməsi prioritet istiqamətlərdəndir. Xüsusilə, nəqliyyat və logistika sahəsində birgə təşəbbüslərin reallaşdırılması, Orta Dəhliz kimi layihələrin inkişaf etdirilməsi strateji əhəmiyyət daşıyır.

Eyni zamanda,  Telman Nüsrətoğlu vurğulayıb ki, Türk Dövlətləri Təşkilatı çərçivəsində siyasi dialoqun dərinləşdirilməsi və institusional əməkdaşlığın gücləndirilməsi ümumi məqsədlərə nail olunmasına xidmət edir. Mədəni və humanitar sahələrdə əlaqələrin genişləndirilməsi ortaq tarixi və mədəni dəyərlərin möhkəmlənməsinə töhfə verir.

Ümumilikdə, şərhdə qeyd edilir ki, yeni dünya reallıqları türk dünyasının strateji imkanlarını genişləndirir və bu proses gələcəkdə daha sıx inteqrasiyaya və əməkdaşlığın yeni mərhələsinə zəmin yaradır.

https://azertag.az/xeber/yeni_dunya_nizami_fonunda_turk_dunyasinin_strateji_imkanlari_genislenir___serh-4105059?fbclid=IwdGRjcAQ82bJleHRuA2FlbQIxMQBzcnRjBmFwcF9pZAo2NjI4NTY4Mzc5AAEeUnX8hcWsMSyR9JckRV-h3iOLDo3cvuL3ZMak-DheVCe96L6WZFBj9d_C3Lg_aem_xzy4ELYzcpK1lKLcx8dXlA