Hörmətli Rasim müəllim,

Sizi və rəhbərlik etdiyiniz İnşaat materialları elmi tədqiqat və sınaq laboratoriyasının kollektivini ISO/IEC 17025:2020  “Sınaq və kalibrləmə laboratoriyalarının səlahiyyətlərinə dair ümumi tələblər” beynəlxalq standartının tələblərinə uyğun olaraq, uğurla akkreditasiyadan keçməyiniz münasibətilə səmimi qəlbdən təbrik edirəm.

Bu mühüm nailiyyət laboratoriyanızın yüksək peşəkarlığının, elmi yanaşmasının və keyfiyyətə verdiyi önəmin bariz göstəricisidir. Eyni zamanda, bu uğur Xəzər Universitetinin elmi-tədqiqat potensialının gücləndirilməsi, beynəlxalq səviyyədə tanınması və akademik nüfuzunun artırılması baxımından xüsusi əhəmiyyət daşıyır.

Sizin rəhbərliyiniz altında həyata keçirilən məqsədyönlü fəaliyyət və komandanızın əzmkarlığı nəticəsində əldə olunmuş bu akkreditasiya universitetimiz üçün mühüm bir ilkdir və gələcək uğurlar üçün möhkəm zəmin yaradır.

Bu münasibətlə sizə dərin təşəkkürümü bildirir, gələcək fəaliyyətinizdə yeni-yeni uğurlar arzulayıram.

Hörmətlə,

Dr. Raziyə İsayeva

Rektor