Xəzər Universiteti Humanitar təhsil və sosial elmlər fakültəsinin politologiya ixtisası üzrə təhsil alan 1-ci kurs tələbəsi  Süleyman İsmayılov martın 13-15-də keçirilmiş “Acropolis Wushu Open Tournament 2026” çərçivəsində təşkil olunan beynəlxalq uşu turniri və Vinqçun üzrə VI Dünya Kubokunda Azərbaycanı layiqincə təmsil edib.

İdmançı yüksək texniki hazırlıq və peşəkar döyüş səviyyəsi nümayiş etdirərək, yunan rəqibi üzərində inamlı qələbə qazanıb. Yarışın nəticələrinə əsasən, o, Vinqçun kateqoriyası üzrə I yerə layiq görülüb. Eyni zamanda, uşu sanda kateqoriyası üzrə də I yerə sahib olub.

Bu uğur Süleyman İsmayılovun məqsədyönlü hazırlığının, əzmkarlığının və idman sahəsində qazandığı zəngin təcrübənin bariz göstəricisidir.