Xəzər Universitetinin Psixologiya departamentinin və Psixologiya klubunun təşkilatçılığı ilə 2026-cı il martın 18-də  departamentin müəllimi, psixiatr Aygün İsgəndərova “Qadın sağlamlığı” mövzusunda seminarda çıxış edib.

Seminarda, o cümlədən,  qadın sağlamlığı sahədəsində aktual məsələlər, qadınların psixi və fiziki sağlamlığının qorunmasının əhəmiyyəti və bu istiqamətdə mövcud yanaşmalardan söz açılıb. Çıxışda qadınların həyat dövrləri üzrə sağlamlıq xüsusiyyətləri, hormonal balansının ümumi rifaha təsiri və gündəlik həyat tərzi amillərinin sağlamlığa təsiri kimi məsələlərə də  toxunulub. Eyni zamanda, qadın sağlamlığı ilə bağlı maarifləndirmənin artırılmasının vacibliyi, erkən diaqnostikanın rolu və profilaktik tədbirlərin əhəmiyyəti xüsusi vurğulanıb. Mövzu, həmçinin, psixoloji rifah aspektindən də dəyərləndirilib, qadınların emosional vəziyyətinin fiziki sağlamlıqla qarşılıqlı əlaqəsi qeyd olunub.

Tədbir iştirakçıları mövzu ilə bağlı suallarını ünvanlayaraq, interaktiv fikir mübadiləsi aparıb, aktual yanaşmalar və peşəkar təcrübələr barədə məlumat alıblar.