16 mart 2026-cı il tarixində Xəzər Universiteti Siyasi elmlər və fəlsəfə departamenti və İbn Haldun Universiteti Heydər Əliyev adına Avrasiya Araşdırmalar Mərkəzinin təşkilatçılığı ilə “Yaxın Şərqdəki müharibənin Azərbaycan və Türkiyəyə təsirləri” (“Ortadoğudaki savaşın Azerbaycan ve Türkiyeye etkileri”) mövzusunda vebinar keçirilib.

Vebinarda moderator qismində İbn Haldun Universitetindən Prof. Yaşar Sarı, mühazirəçi qismində isə Xəzər Universiteti Siyasi elmlər və fəlsəfə departamentinin müdiri Dos. Orxan Vəliyev, Beynəlxalq Münasibətlərin Təhlili Mərkəzinin idarə heyətinin üzvü Dr. Cavid Vəliyev, İstanbul Texniki Universitetindən Prof. Umut Uzer və Bahçeşehir Universitetindən Prof. Çağla Gül Yesevi çıxış ediblər.

Vebinar zamanı ilkin olaraq Yaxın Şərqdə baş verən gərginlik, Azərbaycan və Türkiyənin bu proseslərə reaksiyaları müzakirə edilib. Daha sonra Şuşa Bəyannaməsinin əhəmiyyəti yenidən vurğulanaraq iki ölkə arasında strateji müttəfiqliyin rolu xüsusi qeyd olunub.