Xəzər Universitetində müxtəlif ölkələrdən olan əcnəbi tələbələr üçün 2026-cı il martın 13-də  iftar süfrəsi təşkil olunub.  Universitetin  oruc tutan əcnəbi tələbələri birlikdə iftar açıblar.

Səmimi və dostluq mühitində keçən iftar süfrəsində tələbələr bir-biri ilə ünsiyyət quraraq, Azərbaycanda yaşamaq və təhsil almaqla bağlı xoş təəssüratlarını bölüşüblər. Onlar,  həmçinin, Azərbaycan xalqının qonaqpərvərliyi, zəngin mədəniyyəti və milli adət-ənənələrindən söz açıblar.  

Qeyd edilib ki, belə tədbirlər  tələbələr arasında qarşılıqlı anlaşmanın gücləndirilməsi, o cümlədən,  universitetdə multikultural mühitin inkişafı üçün  faydalıdır.