Xəzər Universitetində 2026-cı il martın  7–8-də informatika üzrə respublika fənn olimpiadası keçirilib. Olimpiadaya müxtəlif bölgələrdən, o cümlədən, Nərimanov, Xətai, Xəzər, Binəqədi, Qaradağ və Pirallahı rayonlarından aşağı və yuxarı yaş qrupları üzrə 200-ə yaxın abituriyent qatılıb. Qeyd edək ki, “Xəzər” olimpiadaya ikinci ildir evsahibliyi edir.

Olimpiadanın əsas məqsədi gənclərin informatika sahəsinə olan marağını artırmaq, onların məntiqi düşünmə və proqramlaşdırma bacarıqlarını inkişaf etdirməkdir. İştirakçılar müxtəlif səviyyəli tapşırıqları həll edərək,  öz bilik və bacarıqlarını göstəriblər.

Tədbirin təşkilində və keçirilməsində 25 nəfər könüllü iştirak edib. Könüllülər iştirakçıların qeydiyyatı, nəzarət prosesinin təşkili və digər məsələlərin həllində fəallıq ediblər.

Qeyd edək ki, respublika fənn olimpiadası şagirdlər və abituriyentlər üçün biliklərini sınamaq, təcrübə qazanmaq və gələcək akademik uğurlar üçün mühüm addım hesab olunur.