Xəzər Universitetinin rektoru Dr. Raziyə İsayeva və Elmi işlər üzrə prorektoru Dr. Ülkər İsaeva 2026-cı il martın 3-də  Çinin  Fudan universitetində olublar.

Səfər çərçivəsində Fudan Universitetinin Beynəlxalq əməkdaşlıq və m übadilə ofisinin rəhbərliyi ilə görüş keçirilib. Sonra Xəzər Universitetinin nümayəndə heyəti Fudan Zhangjiang Tədqiqat İnstitutunun nümayəndə heyəti ilə (Jianhua Hu, Miao Miao, Suli Ye, Chenfeng Li), Fudan universitetinin Akademik işlər ofisi, Əcnəbi tələbələr ofisinin nümayəndə heyəti ilə görüşüblər.

Görüşlər Beyin əsaslı Zəka üzrə Elm və Texnologiya İnstitutu və Materialşünaslıq departamenti ilə davam edib.

Sözügedən görüşlərin əsas müzakirə mövzusu Süni intellekt və Böyük Verilənlər istiqamətində birgə tədris proqramları, birgə tədqiqat istiqamətləri, akademik inkişaf sahələri və digər potensial əməkdaşlıq mexanizmləri olub.

Sonda hədiyyələr təqdim olunub və  xatirə şəkilləri çəkilib.