Xəzər Universitetinin Psixologiya departamentinin əməkdaşı, Xəzər Psixoloji Xidmət Mərkəzinin psixoloqu Mirsadiq Muxtarov 18–19 fevral 2026-cı il tarixlərində keçirilmiş “Trauma and Attachment Summit: Healing and Transformation through Polyvagal, EMDR, IFS Therapy and Somatic Approaches” (Travma və Bağlanma Sammiti: Polivaqal yanaşma, EMDR, IFS terapiyası və somatik metodlar vasitəsilə sağalma və transformasiya) adlı beynəlxalq sammitdə iştirak etmişdir. Sammit onlayn formatda təşkil olunmuşdur.

Sammitin ilk günündə Mpsych (Master of Psychology), LCP (Licensed Clinical Psychologist - Lisenziyalı klinik psixoloq) Raphaël Gazon “Borderline şəxsiyyət pozuntusunun emosional əsaslarını: travma yönümlü problemlərdə psixoloji müalicəyə təşviq edən DBT yanaşması”, Dr. Anna Rita Verardo “Travma və hekayələndirmə: bağlanma dezorqanizasiyasının linqvistik göstəriciləri”, MD Frank Anderson “Ayrılıq dövründə IFS vasitəsilə sağlam və təhlükəsiz münasibətlərin bərpası”, PhD Janina Fisher “Uşaqlıq itkilərinin yas prosesi”, Cyril Tarquinio “Dərinin altındakı travma”, PhD, MD Andreas Maerker isə “Kompleks PTSD-nin anlaşılması: sübutlar, klinik baxış və inteqrativ KBT müalicə şkalaları” mövzularında çıxış edərək, travma və bağlanma sahəsində müasir elmi yanaşmaları və praktik müdaxilə metodlarını təqdim etmişlər.

Sammitin ikinci günündə (19 fevral) Luis Muiño “Hiperəlaqəlilik dövründə travma: XXI əsrin görünməz yaraları”, LCSW Deborah Dana “Sinir sistemimizin sağlamlığına uyğun yanaşma”, Javier García-Campayo “Travmanın idarə olunmasında şəfqət və bağlanma üslubuna əsaslanan terapiya”, Psych Pierre Orban “EMDR və kompleks travma: təhlükəsizlik, effektivlik və klinik uyğunluq”, psixoloq Sema Akbunar “İrqi travmadan sağalma: irqi motivli stress və diskriminasiyaya qarşı travma yönümlü yanaşmalar”, Alessandra Ciolfi isə “Somatik müdriklik: yaralardan daxili resurslara doğru” mövzularında məruzələrlə çıxış etmiş, travma terapiyasının müxtəlif müasir istiqamətlərini və tətbiqi mexanizmlərini iştirakçılarla bölüşmüşlər.