ABŞ Dövlət Departamentinin Təhsil və Mədəniyyət Bürosu tərəfindən 2026-cı il fevralın 14-21-də təşkil edilən Beynəlxalq Ziyarətçilərin Liderlik Proqramı (IVLP) çərçivəsində Vaşinqtonda səfərdə olub.  Builki proqram “ABŞ xarici siyasəti və qlobal çağırışlar” mövzusuna həsr edilib və Azərbaycanın da qurucuları arasında olduğu “Sülh Şurası”nın (Board of Peace) inauqurasiya toplantısı ilə eyni vaxta düşüb.  1940-cı ildən etibarən hazırlanan proqramın digər bir özəlliyi isə budəfəki tədbirin ABŞ-ın 4 iyul 1776-cı ildə elan edilmiş müstəqilliyinin 250 illiyinə təsadüf etməsi idi.

Azərbaycan, Türkiyə, Ermənistan, İtaliya, İsveç, Malta, Slovakiya, Almaniya, Lüksemburq, Polşa, İspaniya, Latviya və Çex Respublikasından olan iştirakçılar akademiya, dövlət qurumları, jurnalistika və qeyri-hökumət təşkilatları kimi, müxtəlif sahələri təmsil edən peşəkarlar arasından seçilib.

16 fevralın rəsmi bayram gününə təsadüf etməsi ilə əlaqədar heyətlə tanışlıqdan sonra şəhər turu təşkil olunub.  Ağ Ev, ABŞ Konqresi, Linkoln Memorialı və Martin Lüter Kinq abidəsi ziyarət edilib.

Fevralın 17-dən   etibarən Vaşinqton proqramının intensiv mərhələsinə start verilib. İlkin olaraq, iştirakçılar proqramın təşkilində mühüm rolu olan Beynəlxalq Meridian Mərkəzində (Meridian International Center) olublar. Sonra Müharibə Departamenti (Pentaqon), Dövlət Departamenti, Konqres Araşdırma Servisi, ABŞ Dövlət Kommersiya Departamenti, Amerika Sahibkarlıq İnstitutu və Amerika Universiteti ilə rəsmi görüş və toplantılar keçirilib.  Amerika Universitetində akademik heyətlə olan görüşlə yanaşı, ABŞ və Avropanın müxtəlif ölkələrini

təmsil edən tələbələrlə müzakirələr aparılması da xüsusi maraq doğurub.

Dos. Vəliyevin proqram çərçivəsində Ohayo ştatının Klivlend, Kentaki ştatının Luivil və Koloradı ştatının Denver şəhərlərinə səfəri də nəzərdə tutulub.