TƏBRİK MƏKTUBU

Hörmətli Hamlet müəllim!

Sizi doğum gününüz münasibətilə ürəkdən təbrik edirəm!

Müasir elm və təhsil tariximizdə özünəməxsus yeri olan, intellektual mühitimizə mühüm yeniliklər gətirən görkəmli ziyalısınız. Riyazi dəqiqliyi humanitar təfəkkürə uğurla birləşdirərək, elmi ictimaiyyətdə böyük nüfuz qazanmısınız. Azərbaycanda beynəlxalq standartlara cavab verən ilk ali təhsil ocaqlarından biri olan Xəzər Universitetinin qurulması və inkişafı Sizin səmərəli fəaliyyətinizin və fədakar əməyinizin nəticəsidir. Yetişdirdiyiniz mütəxəssislər və müəlliflər olduğunuz fundamental əsərlər ölkəmizin tərəqqisinə sanballı töhfələr verməkdədir.

Sizə uzun ömür, möhkəm cansağlığı diləyir, elmi-təşkilati fəaliyyətinizdə tükənməz enerji, yeni-yeni nailiyyətlər arzulayıram.

Hörmətlə,

Baş direktor                                Murad Ə. Dadaşov