2026-cı il fevralın 26- da  Xəzər Universitetinin  Mərmər zalında Xocalı soyqırımının 34-cü ilinə həsr edilmiş anım tədbiri  keçirildi.

Şəhidlərin xatirəsi bir dəqiqəlik sükutla yad edildikdən sonra  Azərbaycan Respublikasının Dövlət himni səsləndirildi. Xocalı soyqırımına həsr edilmiş video-slayd nümayiş olundu.

Xəzər Universitetinin İctimai əlaqələr və media üzrə direktoru Əlövsət Əmirbəyli otuz dörd il bundan öncə baş vermis soyqırımı  haqqında ətraflı  məlumat verdi və

 Xocalı hadisələri zamanı fədakarlıqlar  göstərmiş  Milli Qəhrəmanlar  Allahverdi Bağırov, Tofiq Hüseynov və Əlif Hacıyevin həyat hekayələrindən söz açdı.

Universitetin tələbələri Məhəmməd Məmmədov və Mehdi Muradov Azərbaycan xalqının başına gətirilən tarixi faciələrdən danışdılar.

Tədbirdə  İqtisadiyyat və menecment , Mühəndislik və təbiət elmləri , Humanitar, təhsil və sosial elmlər fakültələrinin tələbələri iştirak edirdilər.