2026-cı il fevralın 20-də Xəzər Universiteti “Dünya” məktəbində Xocalı qurbanlarının xatirəsinə ithaf olunan “Sən qayıdacaqsan” adlı tamaşa təqdim olunub.

Tamaşaya baxışda   Xəzər Universitetinin qurucusu Prof.Akad. Hamlet İsaxanlı, rektor Dr. Raziyə  İsayeva, “Dünya” məktəbinin direktoru  Aygün İsayeva, fotoqraf  Reza Deqati, ziyalılar, jurnalistlər, müəllimlər və ictimaiyyət nümayəndələri iştirak ediblər.

Səhnə əsəri Bakı Bələdiyyə Teatrının tamaşası əsasında məktəbin müəllim və şagird kollektivi tərəfindən səhnələşdirilib.

Ssenari müəllifi Bəhruz Vaqifoğlu, rejissoru Elçin Muradov olan tamaşa Xocalı sakinlərinin faciəli taleyini bədii  obrazlarla əks etdirir. Əsərin mərkəzində həyat yoldaşını itirmiş və illərlə onun dönüşünü gözləyən bir qadının taleyi dayanır. Yarımçıq qalmış qatar yolu ayrılıq və ümidin əsas simvolu kimi təqdim olunur.

Sonda qəhrəmanlar dağıdılmış relsləri birlik və inamla bərpa edərək, dönüşün yalnız birgə səylə mümkün olduğunu vurğulayırlar.

Tamaşadan sonra  Prof.Akad.  Hamlet İsaxanlı və Xocalı şahidi, məşhur fotoqraf Reza Deqati çıxış ediblər.

Tamaşa  iştirakçılar tərəfindən yüksək qiymətləndirilib.

https://ikisahil.az/post/631196-xezer-universiteti-dunya-mektebinde-sen-qayidacaqsan-adli-tamasha-teqdim-olundu